E tekivutaki na italanoa vakasakiti oqo e na mata ni dua na vale bitu rivirivi ka vakacevaceva e na boto ni dua na lalaga vatu balavu ka qiqo. E koto ni rauta vinaka e ruasagavulu na mita mai matasawa ki na loma ni veikau loa, tete yani ki baravi me yaco sara kina veibarinivatu.E wavolita na veivuni maokani makawa, e dua na vuni baka ka tadolovi vakayawa e rabailevu ka vakadodonu cake tu ki macawa e na dela ni dua na vatu vakaitamera, cecere mai na veika kecega. E ologi koto me vaka eso na veikau, veiosoosoti, na vatu vakaitamera, ka rau dabe toka na veitau e rua oqo e na imatai ni kabakabaka vatu ka vakanamata cake kina vale vakacevaceva oya.

Na waitui karakarawa mai wasaliwa e tatibi ka ra basika e na veiqara lalai e na lalaga ni draunikau e na loma ni veikau loa, ia e veitarataravi ka veituitui me vaka e dua na itoqa vulavula, na cakau, kauta yani kina wasaliwa vakaitamera, ka wavolita na veibaravi ena dua na itabagauna kei na kena vakere na ua, na vuso ni ua vulavula.

Me vaka ni a se sega ni volai na kedrau itukutuku bula na veitau e rua oqo, e na nodrau ilakolako vakagade, e sa na kauti keda ki na uto ni italanoa dina mai na vanua osooso, na gaunisala veivatu ka gole cake ki na vale makawa vakacevaceva oya. E na loma ni veikau totoka e ubia e na yasana ruarua na veitokaitua drokadroka, rabailevu, tatakelokelo, na sala makawa e na dua na gauna ka sa vaka me ra muloni vata na wa ni culacula mai na vauvau dina ka qai mai vakamaluataki toka na kena sereki, tali na itukutuku, ukutaki e na kena ibulibuli vou me rawa ni kauta mai na irairai e mokomokowaliliva – mai na dua na ikalawa ki na dua tale, mai na veivatu ki na dua tale mai na soseti ubi e na bitu malumu kin a soseti ubi e na bitu malumu.

O irau na noda itokani e rau sa tiko tale oqo e gaunisala.

E rau sa dau vakarau tikoga me rau toso, dina mada ga ni gauna qo e rau se dadabe toka ga e na ikabakaba ka rau galu toka ga ka sega ni kauwaitaka e dua na ka, ka vaka me rau vakanananu vakayawa sara tiko e na nodrau sarava toka yani na waitui karakarawa kei na vuso ni ua ni roba toka mai na cakau. E vuqa na veika e rau sa cakava vata, me vaka: E rau veitomani e na vuqa sara na sala, takosovi ni veiqakilo, lako siviti na matamata, tauri uli ni waqa, tara wavu, vakaduri duru, vakaitukutuku ki na veivanua yawa, tiko e na loma ni qaravatu, veivukayaki e maliwa lala, raica nodra itikotiko na Tui, moce e na veivalenilotu, rau vesuki e na doudou ni lakolako vakagade e na veilomani, ia rau veivakabauti e na veivakalougatataki kei na veiliutaki nei Vanua Vonu kei na vuku uasivi nei Vonu o Ta – Oi!